Follow us

Sto. Rosario Parish-GKK Sta. Cruz Kalubin-an 60th fiesta (Joy Ardepolla) Gibunyagan ni Abp. Valles and 16 ka mga bata sa iyang pagbisita nga nakapalipay ug nakapadasig sa katilingban. (Juneva Ardepolla | SRP SoCCom)

‘Atimanon ang batan-on’

Posted on June 11, 2017 in Ronda Parokya by

Sto. Rosario Parish-GKK Sta. Cruz Kalubin-an 60th fiesta (Joy Ardepolla)

Gibunyagan ni Abp. Valles and 16 ka mga bata sa iyang pagbisita nga nakapalipay ug nakapadasig sa katilingban. (Juneva Ardepolla | SRP SoCCom)

Nagmalampuson ang misa nga gihimo sa GKK Sta. Cruz Kalubin-an isip pagsaulog sa ika-60 niini nga kapistahan, niadtong Mayo 29. Si Arsobispo Romulo G. Valles ang presider kauban ni Fr. Roy Mejias, kura paroko sa Sto. Rosario Parish diin nahisakop ang maong GKK.

Sa kasaysayan, tulo ka batan-ong dalaga ang nagpasiugda sa pagporma sa GKK Sta. Cruz. Sila nag Flores de Mayo ug mao kini ang sinugdanan sa Katolikong pagtoo sa katilingban.

Gihagit ni Abp. Valles ang mga tigulang o hamtong nga atimanon ang mga batan-on kay sila man ang moatubang sa muabot nga 100 ka tuig. Tudluan ang mga batan-on sa pagpuyo sa pagtoo, aron pag-abot sa ika-100 nga tuig, buhi gihapon ang katilingban, sumala pa niya.

No Comments

Post A Comment