4 ka aspirants sa KOA gidawat

Upat ka bag-ong Knights Of the Altar (KOA) nga sila James Loyd P. Cababan, John Keinnieth Ouano, Christian G. Saganay, Kherbie Kenneth D. Cale sa Mary Help of Christians Parish ang gi instalar niadtong Hunyo 11.

Matud pa ni Francis II Moran, ang coordinator sa KOA, “ang pagka altar boy dili basta-basta, usa kini ka dako nga responsibilidad nga kinahanglang gahinan ug oras ang Ginoo ug ang Simbahan. Dili lang kini pag-assist sa pari panahon sa Misa, kondili nagkinahanglan nga mamahimo sang modelo sa ubang bata, batan-on ug mga hamtong labi na diha sa inyung balay. Usa sa mga tumong pud niini nga mas mapaduol ug mas mailhan ang Ginoo diha sa ilang tagsa-tagsa ka kinabuhi.”

Una pa man mahimong full-pledged nga KOA, kinahanglan ang usa ka “aspirant” muapil sa meeting matag Sabado, muapil sa misa matag adlaw, ilabi na sa adlaw nga Miyerkules (nga mao ang KOA mass) ug sa adlaw nga Domingo.

Ginahatagan ang aspirants ug seminars mahitungod sa ilang responsibilidad. Matud pa, imemorize sab ang balaod, KOA pledge, mga pag-ampo, ug mga gamit sa Misa, sa mga lugar diha sulod sa simbahan, mga klase sa Misa, ug mga pangalan sa “servers” sa High Mass. Makapasa usab siya dapat sa exam.

Mudagan kini ug usa ka-tuig una pa man ma-send forth. (Jonah Reya Somogod | MHCP SoCCom)