Operation Tuli gipahigayon sa Brgy. Leon Garcia

Midugok ang mga batang lalaki ug ang ilang mga ginikanan sa Barangay Hall grounds sa Barangay Leon Garcia, Agdao niadtong Mayo 4 aron pagdawat sa serbisyo medikal “Operation Tuli” sa ilang barangay alang sa ilang mga anak.

Ginapahigayon nila kini matag tuig. Apil sa maong kalihukan ang paghatag og medisina alang sa mga batang gituli. Gidalitan usab sila og lugaw nga gikan sa opisina sa Mayor sa Dakbayan sa Dabaw.

Usa ka gatos ug baynte (120) ka batang lalaki ang nahimong recipients sa maong programa sa barangay niining higayona. Matud pa ni Kagawad Lita Empis, buot nilang mahatagan og ikaduhang hugna ang maong Operation Tuli ug kini ang ilang paningkamotan nga mahitabo aron daghan pang mga bata ang maserbisyohan. (Elena Corazon Mozo | SAP Agdao)