Medical Mission sa San Antonio de Padua

Pinaagi sa tabang sa Divine Mercy in My Soul Community, napahigayon ang eye ug medical check-up ug operation tuli alang sa mga parokyano sa San Antonio de Padua, Agdao niadtong Mayo 14, atol sa selebrasyon sa Mother’s Day.

Kini ang una sa duhang hugna sa medical missions karong tuiga. Kabahin niini ang pagpanghatag og libreng medisina ug pagdalit og mga makaon, sama sa lugaw ug sausages, alang sa tanang pasyente ug sa ilang mga kauban. Matud pa ni Kuya Nanding, nga taga Agdao, “moabot pa gani mi sa DADITAMA region ang maong medical services.”

Ang Divine Mercy in My Soul Community usa ka grupo sa mga layko ubos sa Archdiocesan Commission on Lay Association and Integrated Movements (ACLAIM). Naggikan sa nagkalain-laing parokya sa Arkidayosis sa Dabaw ang ilang miyembro. (Elena Mozo | SAP SoCCom)