Benedictine Sisters nagmaya sa 3 ka bag-ong miyembro

Ang kongregasyon sa Benedictine Sisters of the Eucharistic King nagmaya sa final profession of Monastic Vows nila Sr. Mary Angeline Ramirez, OSB, Sr. Mary Florence Lañas, OSB ug Sr. Andre Marie R. Naraga, OSB.

Sumala pa sa usa ka madreng bisita, Sr. Matea, nga gikan pa sa Vigan Priory, dakong kalipay nila nga gi-welcome ang tulo ka mga bag-ong miyembro sa ilang kongregasyon.

Apan dili lamang ang mga kaubanan nilang mga madre ang nagmalipayon sa selebrasyon, lakip na sab ang ilang mga pamilya.

Sama na lang sa nag-inusarang igsuon ni Sr. Mary Florence Lañas nga si Mae Laarni Torres. Matud pa niya, walay kasudlan ang iyang kalipay.

“Happy jud kaayo mi, the whole family jud is celebrating kay akoa man pud gud tong auntie tong secretary general nga si Sr. Mary Cecil. Pila ka years gikan sa iyang perpetual vow, ug karon sa family nausban na pud sa akong ate. Nagpasalamat jud ko.”

Panghinaut ni Ms. Torres nga magpadayon ni Sr. Mary Florence sa iyang misyon isip usa ka madre kay siya ug iyang pamilya anaa lang sa iyang likod andam muampo sa kanunay nga matuman ang mga plano sa Ginoo pinaagi kaniya. (Angelika G. Calano | TMSHP SoCCom)