Bag-ong assignment sa mga pari ug diyakono, gipagula

MATI CITY — adlaw sa Hunyo, 2017. Sa pahibalo gikan sa buhatan sa Chancery, gidestino ang mosunod nga mga pari: si Fr. Manuel Trocio isip bag-ong parish administrator sa parokya sa Santiago Apostol sa Cateel, kauban ang parochial vicar nga si Fr. Elezer Pagkilatan. Ang kanhi chancellor Fr. Pedrito Mapayo ang gihimong parochial vicar sa Immaculate Conception Parish sa Baganga; Fr. Albert Silagan ang Parish Administrator sa parokya ni San Francisco Javier sa Manay kauban ang iyang assistant nga si Fr. Philip Dimalanta.

Si Fr. George Cajes ang bag-ong parish administrator sa parokya ni San Ignacio de Loyola, Luzon, Sigaboy; Fr. Perfecto Urbuda ang usa sa mga parochial vicar sa San Nicolas de Tolentino Cathedral Parish. Sa San Francisco Javier parish, Sigaboy, si Fr. Ronie Orellianida ang parochial vicar; si Fr. Barry Gil Pilar usab parochial vicar sa San Isidro Labrador Parish, Banay-banay. Si Fr. Bernard Albao, parochial vicar sa Lupon; Fr. Alonito Tinong ang parish administrator sa Lambajon; ug si Fr. Samuel Broñola gidestino isip resident priest sa Clergy house.

Adunay bag-ong office assignments usab nga gimando ni Apostolic Administrator Msgr. Edito S. Baño: si Fr. Bernard Albao – Mission Director; Fr. Pedrito Mapayo – CFC (Couples for Christ) Director; Fr. Philip Demalanta – Director sa Rosary of Our Lord; Fr. Diome Lagroma – Vocation Director; Fr. Edilberto Mahinay – FLA (Family Life Apostolate) Director; Fr. Joselito Basilad – DMII (Daughters of Mary Immaculate International) ug CFD Director; Fr. Ronie Orellianida – BLD (Bukas Loob sa Diyos) Spiritual Director; Fr. Darwey Clark – Chancellor ug Oeconomus. Tulo ka pari ang gitudlo isip mga exorcists—sila si Fr. Roberto Ombon, Fr. Uldarico Toroba, ug Fr. Ronie Orellianida.

Gibasa ang maong mga bag-ong priests’ assignments sa fiesta sa Lupon niadtong Abril 27, 2017, kon diin gipahibalo usab nga sa umaabot nga Hunyo 19, 2017, alas 9:00 sa buntag pagaordenahan sa diyakonato didto sa San Nicolas de Tolentino Cathedral sa Mati ang tulo ka seminarista nga bag-ong mitapos sa ilang Theological studies sa St. Francis Xavier Regional Seminary (Remase) — sila si Alfie Alimbon gikan sa Parokya sa Caraga, Raphy Armasa ug Eric Bangcot sa Parokya sa Luzon, Sigaboy, Davao Oriental. Si Arsobispo Romulo G. Valles, D.D. sa Davao maoy ordaining prelate.