Student Internship, Media Tour, nagapadayon

“Pag umol ug pagpaila sa midya sa Simbahan sa batan-on.” Kini ang katuyuan sa nagapadayong On-the-Job Training kon Student Internship ug Media Tour.

Conscious ang unang University of Mindanao Mass Communication intern nga si Brian Roldan sa iyang unang adlaw sa trabaho. Gikan sa non-Catholic school, nakulbaan siya nga basin di niya makaya kini.

Isip kinaunhang intern gikan sa University of Mindanao (UM), usa ka non-Catholic school, natun-an ni Brian, “presence of mind, be on time, be punctual, maging disente ka na parang professional na naga work na. Gawin mo nang tama kung ano ‘yung pinapatrabaho sa iyo kase maganda itong opisinang ito as training ground sa mga intern pang susunod.

Ang UM maoy ikalima sa mga eskwelahan nga nagpadala ug AB Mass Communications interns sa Davao Catholic Herald ug DXGN Spirit FM 89.9.

Ang uban pang mass comm schools on OJT mao ang musunod: Holy Cross of Davao College, Ateneo de Davao University, Jose Maria College, University of the Immaculate Conception.

Bag-o lang nahuman ang first batch sa IT interns nga gikan sa Philippine Women’s College nga naghimo sa Marketing Inventory System sa Davao Catholic Herald. Kini aron mapadali ang pagpangita ug pagsuta sa profile sa mga supporters sa Katolikong papel.

Tungod sa impormasyon sa website, niabot niadtong Dominggo ang 3 ka AB Mass communication students gikan sa Father Saturnino Urios University, Butuan aron makakat-on dinhi.

MEDIA TOUR
Abli sab ang atong midya alang sa station tour. Nauna na niadtong tuig 2016 ang Senior High School students sa San Pedro College. Niadtong Pebrero, namisita sab ang SPC Junior High School students atol sa ilang station tour.

Ang Student Internship nagsugod niadtong dekada nubenta samtang ang Media Tour miabli human sa DXGN launching niadtong milabay nga tuig. Alang sa dugang detalye, tawag sa 297-1054 or mag email sa desk@davaocatholicherald.com.