St. Francis of Assisi – La Verna

Agi ug pagpangandam sa mga kalihukan sa semana santa nagkahiusa ug nagtambayayong ang mga GKK Servant Leaders sa St. Francis of Assisi Parish (La Verna) sa pagpanglimpyo sulod ug gawas sa simbahan unang adlaw sa bulan sa Abril 2017.

Ang “Bayanihan” usa sa mga kalihukan nga ginapahigayon sa parokya aron mogaan ang trabaho sa matag usa. Gibahin bahin ang mga grupo. Ang mga PSK, Secretary ug Treasurer sa sulod sa simbahan, ang mga batan-on sa likod nga bahin sa simbahan, ang mga Pangulo Sa Alagad (PSA) sa atubangan sa simbahan, ang mga Pangulo sa Panudlo (PSP) didto sa parish hall, ug ang mga lay minister ug mga psl gitahasan sa pagpanglimpyo kung diin asa ipahigayon ang sugat.

Dali ang trabaho kung ang usa’g-usa magtinabangay. Mao kini ang diwa sa Bayanihan. (Sylvia Gamaya Orbeta | SFAP Soccom – La Verna)