San Roque Parish, Malabog Vocation Promotion

Nagpahigayon ug espesyal nga examination ug interview si Rev. Fr. Elvie Bordios sa mga batan-on na motuntong sa grade 11 ug 12 niadtong Abril 2, 2017 dinhi sa konbento sa San Roque Parish Malabog.

Human sa iyang misa sa alas 8:30 sa buntag gisugdan dayon niya paginterview ang napulo (10) ka mga batan-on. Nagpatabang si Fr. Elvie sa mga nanimba sa pag-ampo nga daghan pa ang manulod sa pagkapari ug pagkamadre, ug alang sa mga magtiayon nga molambo pa ang ilang pagpangalagad sa simbahan.

Gilakip pud niya ug pahibalo nga aduna pay special interview karon Mayo 6 didto sa St. Francis Xavier Seminary, Davao City sa mga buot mosulod ug seminaryo. Libre ang tuition fee ug boarding house kon makumpleto nila ang mga ang mga requirements. (Imelda Overiz | SRP SoCCom)