Pag-ampo sa Latin ginatudlo sa Lumondao

Kabahin sa mga tulumanon natong mga katoliko panahon sa kwaresma mao ang pagpuasa, pagbuhat ug mga buhat sa kalooy, ug pag-ampo.

Tungod niini, giduso ni Fr. Edsel Paloma, kura paruko sa San Isidro Parish Labrador Lumondao, ang pagkat-on sa mga Basic Prayers sa Latin sama sa “Pater Noster” o Amahan Namo, “Ave Maria”, “Salve Regina”, ug uban pa.

Gitahasan ni Fr. Edsel si Rev. Cris Alcayde nga maoy motudlo niining maong mga pag-ampo sa latin nga pinulungan ngadto sa mga altar servers, mga miyembro sa choir, ug mga lectors and commentators.

Sumala ni Fr. Edsel, kini gibuhat aron mahiaguman nila ang kanindot sa Latin nga pulong isip lengwahe sa simbahan. Kini usab agi ug tubag sa panawagan sa atong Arsobispo sa Davao nga mubalik sa basic. (Jamaica Flores Suam | SIL Lumondao SoCCom)