The Davao City Durians have defended their championship title as they bagged 126 gold, 105 silver and 76 bronze medals at the DAVRAA 2017 Meet in Davao Oriental, just recently. (Sr. Marietta Alo, OND)
DAVRAA Meet Closing Program
The Davao City Durians have defended their championship title as they bagged 126 gold, 105 silver and 76 bronze medals at the DAVRAA 2017 Meet in Davao Oriental, just recently. (Sr. Marietta Alo, OND)
Gipahigayon ang closing program sa 2017 Davao Regional Athletic Association (DAVRAA) Meet didto sa Mati Centennial Sports Complex niadtong Marso 24, Biyernes, atubangan sa liboan nga mga delegado ug sa mga nanan-aw.
Unom nga mga probinsiya ug lima ka siyudad sa rehiyon ang niapil sa 11 nga mga dibisyon sa managlahing sports events, samtang mitabang ang nagkadaiyang mga ahensiya sa mga panggamhanang lokal ug probinsiyal aron maangkon ang kalampusan.
Gipunting ni OIC-DepEd Assistant Regional Director Teresita Tambagan ang kalampusan sa DAVRAA sa tungod sa paghiusa sa probinsya nga panggamhanan sa Davao Oriental ug Mati, dungan sa pagpasalamat sa tanang mipartisipar nga tulunghaan.
“To all public and private schools, thank you for allowing the delegations to sleep and rest in your schools. You are a big part for the success of the DAVRAA and the vast ground of the sports complex has allowed us to play comfortably,” matud pa ni Tambagan.
Nadepensa sa Davao City Durians ang ilang championship title, sa paglikom og 126 gold, 105 silver ug 76 bronze medals. Ikaduha nga puwesto ang Tagum City Tagumpay, sinundan sa Panabo City Banana Magnates isip second runner-up. Samtang, namintinar sa Davao Oriental Sunrisers ang ilahang ika-walo nga puwesto gikan sa miaging tuig sa pag-angkon og 10 golds, 15 silvers, ug 18 bronze medals. Ang mga gold medalists sa individual ug team sports ang mosalmot sa 2017 Palarong Pambansa sa Antique. Agi ug timaan sa pagpasa o “turn-over” sa responsibilidad ngadto sa sunod nga host sa DAVRAA Meet sa 2018, ang regional banner ug DAVRAA flame ang gihatag ni DepEd Schools Division Superintendent Dr. Feliciano Tamondong Jr. sa Davao City Schools Division Superintendent nga si Dra. Maria Ines Asuncion.
Sa ngalan ni Gov. Nelson Dayanghirang, gipasalamatan usab ni Vice Gov. Niño Sotero Uy ang delegasyon sa tanang mga atleta nga mao kunoy “mga kampeon, batan-on ug walay gikahadlukan, ang paglaum sa kaugmaon.”
Natapos ang programa pinaagi sa “friendship walk” gikan sa Mati Centennial Sports Complex ngadto sa Mati Park and Baywalk alang sa send-off party sa tanan.
No Comments