DavOr 50th Foundation Anniversary

Employees of Mati well-choreographed the number 50 symbolizing their cheer to the province’s golden anniversary. (Sr. Marietta Alo, OND)

City of Mati, Davao Oriental (DavOr) – Sa pagtak-op sa probinsya sa hosting niini sa labing dakong sports event sa Davao Region / Southern Mindanao niadtong Marso 24, gilunsad usab sa panggamhanang probinsyal sa susamang adlaw ang usa-ka-tuig nga golden anniversary niini, atubangan sa liboan nga katawhan nga nagtapok aron saksihan ang fireworks display didto sa Pujada Bay.

Sa mensahe nga gibasa ni Vice Gov. Niño Sotero Uy (alang kang Gov. Dayanghirang), gisulti niini nga ang ika-50 nga foundation anniversary maoy usa ka higayon aron timbayaon ang halangdong katawhan sa Davao Oriental ug ilhon ang mga nahimo nila sa miaging 50 ka tuig aron mamugna ang kalambuan sa DavOr.

“DavOR is a fast-rising and economically vibrant province in the Davao Region today,” sumala pa kang Uy.

Gipasalamatan sab niya ang mga lideres nga “maoy nangunay sa pagbag-o aron makaplagan ang atuang kabilin ubos sa sinag sa adlaw, sama sa turismo, lokal ng ekonomiya, inprastruktura, pag amping sa kabilin, pagpangandam sa kalamidad, pabahay ug uban pa.

Gipasigarbo usab ang nakuha nga Seal of Good Local Governance gikan sa DILG alang sa probinsiya ug unom ka munisipalidad. Kining mga awards naangkon lamang sa DavOr province sa Davao Region.