Assignment sa pipila ka pari gipagula

Atol sa niaging binulan nga presbyterium sa mga kaparian sa Artsidiyosesis sa Davao, gipagula ni Davao Archbishop Romulo G. Valles, D.D., ang pipila ka mga bag-ong assignments sa pipila ka mga pari.

Si Msgr. Nelson Lucas mahimong Spiritual Director sa St. Francis Xavier College Seminary samtang si Fr. Nestor Dalumpines ang kasamtangang molingkod isip Director sa Ignatian Institute for Religious Education Foundation (IIREF) nga puli ni anhing Fr. Perseus Gonzales.

Si Fr. Mervin George Maglana nga kura paroko sa Birhen Dolorosa, Babak, motabang sa Social Action Center isip kabulig sa panginahanglan panahon sa Disaster ug si Rev. Cris Alcayde nga sa dili madugay ordinahan nga pari motabang usab sa Sagop Kinabuhi 2.

Kini ang pipila ka mga bag-ong buluhaton sa pipila ka mga pari sa Davao matud pa sa Arsobispo.