Pormasyon sa mga katekista sa Malabog nagapadayon

Kapin usa ka gatos (100) ka mga bag-o ug daan nga katekista sa San Roque Parish, Malabog ang nangapil sa binulan na pormasyon niadtong Marso 18. Kini aron madugangan ang ilang kahibalo.

Luyo sa kasamok di pa lamang dugay, 3 ka mga bisita nga gikan sa JCC XIII Catechetical Center ug sa Sacred Heart of Jesus Vicariate, Calinan ang mianhi sama nila Msg. Maximo Sarno ug 2 ka madre alang sa paghatag ug dugang pagtulun-an sa mga katekista.

Matod pa sa usa ka bag-ong katekista nga si Charisma Dela Rosa, 33 anyos, usa kini ka tawag sa Ginoo. Wala siya nagdahom nga ang iyang silingan ang mag aghat kaniya sa pagpaapil sa seminar alang sa mga bag-ong katekista, human iyang mabati ang kahaw-ang, ug ang pagka-katekista ang nakapalipay niya.

Nagpasalamat si Sis. Jeanifer Arañes ang Parish Catechist Coordinator sa Parokya sa tanan hilabi na sa mga bisita. (Imelda Overiz | SRP SoCCom)