Mga PSA sa San Antonio mibisita sa Ascension

Aron makatuon, mahanas, makasinati, ug madasig. Mao kini ang tuyo ug tumong sa mga Pangulo sa Alagad ug sa uban pang mga GSL sa San Antonio de Padua, Agdao, sa ilang pagbisita sa Ascension of the Lord Parish, GSIS Matina, niadtong hapon sa Marso 19, 2017.

Didto, nakatuon ug nakasinati sila sa mga pamaagi sa pagpananom nga dili kinahanglan ang paggamit sa artificial fertilizer o kaha ang paggamit sa organic fertilizer nga karon gina-promote nga paliton. Kay niadtong higayona, sila gitudloan ni Nikko, usa ka batan-on, sa paghimo sa organic fertilizer. Nakita nila ang nagkadaiyang mga tanom nga matud pa ni Talino Mibulos, PSA Parish Coordinator, “organized ang pagkahimo sa ilang container garden.” Siya midugang nga, “interesado ang mga alagad sa nahitabong exposure” tungod kay buot nilang mahasa diha sa ilang pagpadayon sa programa sa parokya, ang Clean and Green, ubos sa Environmental Advocacy.

Padayon ang pagduyog ug pagtuman sa Parokya sa San Antonio de Padua sa Apostolic Letter ni Santo Papa Francisco, ang “Laudato Si” ug sa Republic Act 9003 nga kabahin sa garbage segregation. (Elena Corazon Mozo | SAP SoCCom)