P69m itunol alang sa mga nabahaan

Davao Oriental – Makadawat ang probinsiya sa Davao Oriental ug pondo isip ayuda gikan sa Department of Agriculture (DA) alang sa “recovery program” sa mga mag-uuma nga naapektuhan sa kusog nga pagbaha ug pagdahili sa yuta di palang dugay.

Si DA Secretary Manny Piñol miingon diha sa usa forum sa kapitolyo sa Compostela Valley Province nga andam ang DA nga mutabang. “We are here to help. We will give it fast,” sumala pa sa kalihim sa agrikultura base sa programang rehabilitasyon alang sa mga apektadong residente.

Ang gilaraw nga rehabilitation plan ang giandam sa DA Regional Office alang sa mga probinsya sa Davao Region ug kini maoy gitunol sa kalihim sa naasoy’ng panagtigom. Base sa plano, kinatibuk-ang Php 69.2 milyones ang inisyal nga budget alang sa rehiyon. Sundan kini ug pagbisita sa DA aron sa pagsuta sa mga danyos.

Sumala ni Provincial Agriculture Office Head Rotchie Ravelo, ang DavOr misometer nag plano alang sa Php 10 M alang sa mga mag-uuma sa probinsiya. Gipasabot sab ni Ravelo nga niadto pang Enero 25, 2017, gitala na nga ang danyos sa sektor agricultural mukabat sa Php 21.8, lakip niini ang Php 3.3 M danyos sa humayan, mais, saging, cacao, lubi, abaca, ug mga utanon, samtang ang danyos sa kahayupan (livestock) mukabat sa Php 1.2 M.

Gipahinumduman usab ni Piñol ang mga lideres sa rehiyon nga kinahanglan gayud ang “long-term interventions” alang sa sektor agrikultural nga moresulta sa mas malungtaron nga pagbangon ug paglambo. Kalabot niini, ang DavOr misometer miduso ug long-term projects sama sa 22 kilometer farm-to-market road ug irrigation system sa Barangay Taocanga sa lunsod sa Manay. Ang kalsada mubenepisyo sa 200 ka ektarya nga upland rice plantations ug mga tanom sa nga abaca sa 5 ka upland barangays. Dako usab ang pasalamat sa mga lokal nga lideres sa Davao Region ngadto sa DA Secretary sa iyang ayuda ug kahigayunan alang sa malungtarong paglambo sa kaumahan.