The children of Fatima Mintal version: Julliane Ingrid Torejas (Lucia), Athena Inson (Jacinta), Vhanjake Ibale (Francisco). (CAV)
Immaculate Conception Parish, Mintal gibisita sa Birhen sa Fatima
The children of Fatima Mintal version: Julliane Ingrid Torejas (Lucia), Athena Inson (Jacinta), Vhanjake Ibale (Francisco). (CAV)
Alas 8:00 pa lang sa buntag nagtigum na ang mga estudyante, parokyano, ug mga relihiyoso arun pagsugat sa imahe nga gikan pa sa Portugal. Gisugat kini sa banda sa Holy Cross of Mintal, ug katawhan dala ang ilang mga flaglet, balloon ug nagkalain-laing mga bulak.
Paghuman ug pahimutang sa imahe, gisugdan ang Santos na Misa nila Fr. Jovil Bongay, DCD ug Fr. Henry Campion, DCD. Matud pa sa wali ni Fr. Henry na, angay kitang magmasinugtanon sa Dios sama kang Birheng Maria. Dapat mag-ampo kita sa Santos nga Rosario aron masinati ang kinabuhi ni Jesus, ug higugmaon nato si Maria sama sa paghigugma nato sa atong inahan.
Makita sulod sa misa nga gipangandam gyud kini. Matud pa kang Fr. Jovil, gitagaan jud ug dakong panahon ang pagpangandam niining tigum sama sa mga bata nga naghulagway kang Francisco, Jacinta ug Lucia nga miapil sa pagsugat sa Birhen.
Dako kayo nga prebileheyo alang kang Fr. Jovil nga mahatagan ug oportunidad nga bisitahon sa Birhen ang parokya sa Mintal.
Si Ninfa Villegas, usa sa parokyano sa Mintal nagpasibaw usab nga dili jud niya matugkad ang iyang kalipay sa dihang nakita na niya ang Imahe sa Birhen kay nabati niya ang presensya sa iyang inahan nga dugay nang nibiya niining kalibutana. Giawhag pud niya ang katawhan nga mag-ampo sa Santos nga Rosaryo “kay mao rajud kini ang atong mahimong hinagiban batok sa mga dautan ug pagsulay sa atong kinabuhi,” sumala ni Ninfa.
Gipatigayon ang pagpangumpisal, pag-ampo sa rosaryo ug paghatag ug kahibalo mahitungod sa apparitions sa Birhen sa Fatima pagkahapon. Gitapos ang maong tigum kauban sa mga parokyano sa Mintal sa usa ka bihilya hangtud alas 12 sa gabii. (Edsan Colin V. Santander | ICP SoCCom)
No Comments