Unang gift-giving gikalipay sa indigent families

Ang Sto. Niño Parish usa sa mga instrument aron ang presensya sa gugma ug paghinatagay mabati gayod sa katilingban nga nahisakop niini pinaagi sa pagpaambit sa mga grasya nga nadawat ngadto sa uban. Nahitabo ang gift-giving ngadto sa indigent families niadtong bulan sa Disyembre.

Adunay 100 ka pamilya ang nakadawat sa pahalipay gikan sa Evangelista Family sa Davao City.

“Ang pasko dako kaayo nga okasyon tungod kay mao man ang atong pagpamalandong niini sa pagkamanggihatagon sa Ginoo pinaagi sa pagpadala sa iyang bugtong nga anak dinhi sa kalibutan. Mao usab kini ang atong ipadayag ug ipaambit sa uban bisan pa man sa gamay nga pamaagi” sumala ni Fr. Pepe Retorca, ang kura paroko sa Sto. Niño Parish.

Kini ang unang higayon nga nga ubay-ubay gayud ang nadawat sa mga pamilya sama sa canned goods, noodles, grocery items, ug mga biskwit.

Likod sa malampuson nga kalihukan ang Parish Coordinating Apostolate, Parish Service Ministry, Parish Worship Ministry, ug uban pa. (Merry Love Asoy | SNP SoCCom)