Salamat sa mga bata

Miduol dayon ang lima ka gagmay’ng bata sa dihang giablihan sa PSK sa San Pedro GKK ang ilang Kapilya aron kini andamon alang unta sa Kasaulogan sa Pulong. Nanilhig, nanrapo sa mga imahe, mga bangko ug salog, namisbis sa gagmay’ng tanom, kining tanan gibuhat nila. Gipulihan ni Luisa ang PSK sa pagpanilhig ug ni Mica sa pagtangtang sa mga tulo sa kandila sa salog. Nagkanta-kanta si Mica ug nagpakatawa ug nangatawa ang tanan. Nagbalik balik ang kabasa sa salog kay ang mga gagmatoy kaayo dili man maka-control sa ilang mga basang trapo nga gigamit sa pagtrapo sa mga bangko. Si Mica ra pud ang mosunod sa ilang basa-basa.
 
Ang PSK na ang nagpahiluna sa finishing touches. Nalipay siya nga nagsud-ong niiining mga gagmay’ng bata nga mao ang paglaum niining katilingban. Ang mga bata ang karon sa Simbahan; kana ang angay nga touhan. God bless, mga bata. Daghang salamat sa inyong pagtabang. (Elena Corazon Mozo | SAP SoCCom)