Pamalandong sa Pasko

Mga igsoon, sa panahon sa Adbiento, atong gipamalandungan ug gibuhi ang pagpaabot sa pangandoy sa piniling lungsod sa piniling lungsod sa Diyos. Karong adlawa, malipayon kitang nagsaulog sa Pasko sa Pagkatawo sa atong Manluluwas, ang katumanan sa mga panagna ni Propeta Isaias.

Dili ba kahibulongan nga si San Lukas (Lk. 2:1-14) naghulagway ug yano sa kaayong mga panghitabo – mga yanong mga tawo, Maria ug Jose; Bethlehem-Sensus sa emperador sa Roma; Maria naatlan nga nanganak; walay mipasaka kay puno ang mga abutanan; gawas lang sa silungan sa mga mananap – sa pasungan pa gyud!

Maayo nalang dunay mga anghel nga mahimayaong nagpahibalo sa mga magbalantay sa karnero!

Unsa man gyod ang gihimo sa Ginoo sa Unang Pasko? Kay gihigugma sa Diyos ang katawhan (Jn 3:16) usa ka gasa kanato nga dili ikatandi. Diha lamang sa atong, pagpaubos ug pagpasalamat.

Dunay usa ka tawo nga naglakaw padulong sa Christmas Party sa iyang higala. Sa dalan, daghang mga makililimos nga misugat kaniya. Tungod kay wala man siyay ikahatag, mikusog siyag dagan hangtud nahiabot siya sa balay as iyang higala nag-abot ang ginhawa ug mipahulay sa makadiyot dungan ang pagreklamo sa Ginoo, “Ginoo, nganong gipasagdan nimo kining mga kabus nga walay gika-on? Padad-i sila ug muhatag kanila’g pagkaon!” Apan gitubag siya sa Ginoo. “Ako kang gihimo aron mohatag kanilag pagkaon!”

Mga igsoon, mao kini ang Pasko. Natawo si Hesus libo ka libo ka mga katuigan. Nakita ba nato si Hesus sa mga kabus, sa mga sinalikway, mga tinamay, sa mga masakition, sa tanang mga nanginahanglan sa atong panabang, gugma, pag-amuma, ug pasaylo?

Mga igsoon, pagkadaghan sa mga paskong nanglabay, haduol ba sa unang Pasko? (Msgr. Matt Gorgonio)