Pag-ampo kinahanglan sa lider sa parokya

Gipadala ang mga GKK Servant Leaders ug Center Organization officers sa Parokya sa St. Joseph the Worker, niadtong Enero 7, sulod sa Misa nga gipangulohan sa kura paroko nga si Fr. Dionisio C. Tabiliran.

Sa mao usab nga higayon gilunsad ang “Tuig sa Parokya.”

Matud pa ni Fr. Tabiliran, sa iyang wali, “makasalig kita sa Diyos, bisan unsay atong pangayuon,hatagan kita niya. Ang kaso lang dali kita mosurrender, mangluod, kulang sa pagsalig. Niadtong nangalagad sa katilingban gikinahanglan nga ugmaron ang pagkamaampuon nga pamatasan.”

Dugang ni Fr. Tabiliran, “Ang Ginoo nalipay sa iyang lungsod o katawhan. Unsay hinungdan nga nalipay siya? Tungod sa atong pakiglambigit, nangalagad, masaligonsa Dios, ug malahutayon uban sa Ginoo nga nagmalahutayon alang kanato. Siya ang atong Master Servant sa iyang pagkamaalagaron unta ang GSL o GKK Servant Leaders mahisama usab sa Ginoo. GSL acronym- Gugma sa Serbisyo sa Paglambigit sa Usa’g usa.”

Human sa fellowship lunch gipahigayon ang GKK Family Day. Gisugdan kini sa Zonal Choral contest diin ang contest piece nag ulohan, “Ang GKK” nga gicompose ni Fr. Tabiliran. Ang nakadaug sa unang ganti gikan sa Zona 4, nakadawat ug P 5,000.00. (Amie Desquitado | SJWP SoCCom)