Mga pamilya nagmaya sa VDLR Day

Ang Virgen Delos Remedios Parish, Toril nagpahigayon ug Family Day niadtong Disyembre 30 subay sa tema, “Ang pamilyang matuohan, nagsaulog sa ilang pagtuo.”

Kini gisugdan ug usa ka Santos nga Misa nga gipangulohan sa kura paroko nga si Fr. Johnny A. Autida. Gibendisyunan ang matag pamilya human sa misa.

Ang Family Day giapilan sa Distrito 1, Zones 1 ug 2, ug Distrito 2, Zones 3 ug 4. Misunod dayon ang parlor games, folk dance ug caroling contests nga gipartisiparan sa mga representatives kada sona.

Ang nadaog sa carolling contest mao ang Distrito 2, Zone 4 ug ang sa Folk Dance mao ang Distrito 1, Zone 2.

Nalipay pag-ayo ang parokyano nga si Gerry Bajenting, PSL sa San Nicolas De Tolentino, “na-enjoy ko ug na-feel nako ang panaghiusa sa akong pamilya ug sa ubang pamilya nga akong nahimamat. Lingaw kaayo kay naay give-aways.”

Misalmot ang pamilya ni Mr. and Mrs. Jimmy ug Marybee Limboy. Matud pa nila, “malipayon mi nga natawag among pamilya kay kompleto mi. Kami makaingon nga ang pamilya maoy unang panag-ingnan o modelo isip mga Kristiyanos.” (Dharyll Joy Luna)