Mga batan-on sa Tagakpan nanghatag ug regalo

Nagpahigayon ug gift giving activity ang mga kabatan-onan sa San Francisco de Asis Parish Tagakpan niadtong December 30, 2016 sa GKK Santuario de San Jose sa Manuel Guianga.

Tumong sa maong gift giving ang paghatag ug mga school supplies sa mga kabataan nga nag edad ug 6-10 anyos, ug pagdani nan pagdasig kanila nga mamahimong aktibo sa mga aktibidad sa parokya.

Pagsugod sa maong programa, nagpadula ang mga Pangulo sa Batan-on (PSB) sama sa The Boat is Sinking, Stop dance, Longest Line, Banana Eating Contest, ug Pokpok Palayok.

Pagkahuman, gihatag dayon ang school supplies lakip na ang mga loot bags nga adunay mga snacks og goodies alang kanila. (Frelyn Torreon)