Blessing sa ‘Garden of St. Joseph’ gipahigayon

Si Rev. Fr. Dionisio C. Tabiliran, kura paroko sa St. Joseph the Worker Parish, Sasa nangulo sa gipahigayon nga blessing sa Garden of St. Joseph niadtong Disyembre 31.

Sa iyang mensahe, tataw kayo ang iyang dakong suporta, nga ang mga parokyano gihatagan niya og katungod nga magtukod niining maong Garden of St. Joseph kay matud pa niya nga ang pagdebosyon kang San Jose nga mamumuo dako kayo ug tabang sa kristohanong kinabuhi, “kay si San Jose isip amahan sa pamilya dili magpanuko sa pagtabang niadtong nagahangyo sa iyang panabang. Si San Jose usa lamang ka yano nga karpintero. Pero giunsa niya nahimo siyang patron sa mga mamumuo? Tungod kay gihimo niya ang iyang tahas sa pagkapanday alang sa kahimayaan sa Ginoo.

Sumala pa niya nga matud pa ni San Pablo ‘whatever you do, do it for the Lord, rather than for men.”

Pahayag sa kura paroko sa St. Joseph, si San Jose, “nagmatinud-anon kaayong nagkugi sa iyang pagkapanday, dili ang suhol ug abot lamang ang importante kaniya, kondili ang kasingkasing nga paghimo sa buluhaton. Ang batang Hesus nakakat-on kaniya ug nahimo siyang panday usab. Sa iyang panahon gitawag ‘only a carpenter son.’”

Matud pa ni Fr. Tabiliran, nga sa atong panahon karon, mas bililhon pa ang bahandi alang sa uban, apil ang impluyensya ug gahum. Nalimtan na ang ang pagkinabuhi anaa ang pagkamatinud-anon ug pagkamatarong. Sa atong panahon karon nailhan si San Jose dilil ang usa ka panday sa balay, kondili panday siya sa pamilya, motabang nga magkahiusa ang nagtibulaag nga pamilya.

Mapasalamaton si Bro. Ronald Enriguez , ang coordinator sa “The Worker of St. Joseph” sa mga donors mga misuporta sa istruktura. Niining maong okasyon usab, gilunsad ang pag-abli sa maong luna niadtong buot mobisita, mohikap ug mangamuyo sa panabang sa Patron sa Mamumuo. (Amie Desquitado | SJWP SoCCom)