Pista sa UIC: Give na give!

Faith. Excellence. Service. Mao kini ang Core Values nga gipakita sa tanang aktibidad sa pista sa University of Immaculate Conception karong tuiga.

Ang UIC nagsaulog sa ika-111 nga kasumaran niadtong Disyembre 8, Solemnidad sa Inmaculada Concepcion. Sentro si Mama Mary sa gihimong prusisyon gikan Bonifacio St. padulong sa San Pedro Cathedral nga gisalmutan sa mga magtutudlo, trabahante ug mga estudyante.

Si Most. Rev. Fr. Romulo G. Valles, D.D, obispo sa Dabaw ang nagsaulog sa misa. Sa iyang wali, iyang gipahinumduman nga ang tanan maminaw sa tawag sa Ginoo. “We have to be sensitive to the whispering of the Lord in the midst of noise, the attractive noise of today.”

Human sa misa, nagdula ug mga larong pinoy ang mga estudyante sa UIC-Bonifacio campus, dayon nagsalo-salo ang tanan. “We tried to improve the activities this time,” matud pa ni Ms. Anaflor Sacupayo, Office of the Student Affairs coordinator sa eskwelahan.

Koordinasyon sa mga clubs pinaagi sa Supreme Student Government (SSG) ang nahimong rason aron nagmabungahon ang selebrasyon karong tuiga. “We have the same activities from the parlor games up to the praise fest, but we have prepared something more better than last year, especially its highlight, the Praise Fest with the theme about trusting,” dugang pa sa UIC-SSG President Janry Dave Delino.

Samtang sa People’s Park, nanghatag ug pagkaon, nagpahigayon ug parlor games, ug nagpalingaw sa mga indigent families ang mga miyembro sa religious clubs.

Giablihan niadtong tuig 1905, ang UIC usa ka pribado ug katolikong tulunghaan nga ginapadagan sa Religious of the Virgin Mary (RVM) dinhi sa dakbayan sa Dabaw. (Nikki Dacalos | Carisse Danielle Malubay, HCDC interns)