“Pasidungog” sa UIC

Sa hisgutanang nindot nga kinaiyahan, abunda sa kultura, ug pagtoo ang katawhan, ang Pilipinas dayon ang mahuna hunaan. Managlahi man ang tinuhoan, apan ilado ang mga Filipino sa hugot nga pagtoo og pagsimba sa Diyos.

Kini ang temang gipili sa University of Immaculate Conception sa iyang ika-111 kasumaran nga “Pasidungog” (Celebrations and Rituals of Reverence in the Philippines). Comeback cultural presentation kini sa Ignacian Musical Ensemble ug sa Ignacian Cultural Dance Troupe sa UIC, tungod kay hayskul man ang nagpasundayag sa miaging tuig.

Napuno ang entablado sa nagkalain laing nindot nga sayaw ug kanta nga adunay kalabotan sa kinaiyahan, gugma, pamilya, kabatan-onan, ug kababayenhan sama ni Maria.

Matud pa ni Mr. Rene M. Babiera II, Program Coordinator-BPE and Cultural and Arts Office ug dance troupe moderator/director, ang mga sayaw ug kanta nagpakita ug lawom nga pagtoo sa Ginoo. “This is based on the advocacy of the Catholic Educational Association of the Philippines (CEAP) which is called JEEPGY Academy (Justice and Peace, Ecological Integrity, Engaged Citizenship, Poverty Alleviation, Gender Equality and Youth Empowerment,” saysay pa ni Mr. Babiera.

Si S. Ma. Merma Liza Shalah, RVM, Dean of College, nag ingon nga gipakita niini ang importansya og bili sa kultura sa mga Filipino ug ang balaan nga pagtahud og pagsalig kanato sa Ginoo sama ni Maria nga atong Inahan.

Human sa presentasyon, gisaysay sa conductor sa Rondalla nga si Jim Pascual nga kasagaran sa miyembro niya gikan sa UIC’s school of Music. Sa ika-diyes nga tuig niya sa pagtugtog, nagpabilin gihapona ang kadasig ug kalipay hilabin na kung iyang tugtugon ang “Karatong”, Pasidungod sa mga Bata.

Midagan ang presentasyon gikan Disyembre 9, 10, 12 ug 13 aron makatan-aw ang tanang estudyante ug partners sa institusyon. (Nikki Dacalos, HCDC Intern | Hulagway kuha ni Carisse Malubay)