Immersion sa OSJ postulants

Siyam ka mga postulants gikan sa Oblates of Saint Joseph College Seminary sa Batangas ang gipadala sa San Francisco de Asis Parish-Tagakpan alang sa exposure. Nangadto sila sa 28 ka mga GKKs sa Tagakpan aron magsangyaw sa mga estudyante sa tulo ka mga tulunghaan sa elementary ug high school nga sakop sa parokya.

Matud pa ni Fr. Ronald Medrano OSJ, ang Postulant Director sa Oblates of Saint Joseph, kinahanglan nga makasinati ang mga postulants ug immersion aron sila mahatagan ug igong kasayuran kung unsa gayud ang misyon ni Kristo diri sa kalibutan. Gibutyag pud ni Bro. Postulant Christan Hortal nga malipayon gayud siya sa iyang pagduaw sa parokya. Nakita niya ang kamaayo sa mga tao ug ang ilang dakong pagsalig sa Ginoo.

Sila nihangyo sa mga parokyano sa Tagakpan nga i-ampo sila aron sa katumanan sa ilang mga pangandoy nga mamahimong pari.

Ang mga postulants nag-immersion sa Tagakpan sulod sa duha ka bulan.