Advent Recollection sa San Francisco de Asis

Nagpahigayon ug Advent Recollection ang mga Pangulo sa Panudlo (PSP) sa San Francisco de Asis Parish – Tagakpan, sa Marello Hall, unang semana niining bulana.

Subay sa tema, “Understanding Advent Through Reflection in Action”, naghatag ug katesismo si Sr. Evelyn Bacsan sa Sisters of Our Mother of Perpetual Succor. Gihisgut niya ang tawag pagpuyo sama ni Jesus – Pagkapari, Pagkahari, ug Pagkapropeta.

Matud pa ni Mrs. Linda Monreal, ang coordinator sa mga Katekista, ginahimo ang advent recollection kada tuig aron sa pagbaliktan-aw sa mga butang nga nahimo sulod sa tuig, makakat-on ang mga katekista ug bag-o nga konsepto aron makapamalandong sa ilang pagserbisyo. (Mary Jane Alba | SFDA SoCCom)