1st Parish Day sa San Pedro Calungsod-Quasi Parish

1st Parish Day sa San Pedro Calungsod-Quasi Parish

Nagsaulog ang parokya sa Parish Day niadtong Disyembre 6. Misa nga gipangulohan ni Fr. Ricky T. Flores, DCD, programa sa Baguio Gym, parlor games, ug door prizes ang giandam sa Parish Pastoral Team aron sa parokyanong gikan sa lima ka sona.

Gipakita sab ang hulagway kon pictures sa mga miyembro ug lideres sa matag Gagmay’ng Kristohanong Katilingban (GKKs) ug aktibidad sa parokya sulod sa usa ka tuig gikan sa pagdeklara niini ni Abp. Romulo G. Valles,DD nga ika-38 nga parokya sa Arkidayosis sa Dabaw niadtong Disyembre 6, 2015.

Pista sa Immaculada Conception GKK
San Pedro Calungsod-Quasi Parish

Nagtinabangay sa paghinlo ug pamintura ang sakop sa ICP-GKK sa Baguio District alang sa ika-67 nilang kapistahan niadtong Disyembre 8. Nanambong sila sa novena masses gikan Nobyembre 29- Disyembre 6, sa prusisyon niadtong Disyembre 7, 2016. Misunod dayon ang ika-siyam nga Novena Mass pagkahuman sa prusisyon. Belated happy fiesta! (Lorelyn May A. Lahoylahoy | SPCQP-Baguio)