St. Mary Parish gihatag ang Certificate of Entrance sa Holy Door

Gitak-op ang Talagsaong Tuig sa Kalooy sa Parokya sa St. Mary of the Perpetual Rosary pinaagi sa Santos nga Misa niadtong Nobyembre 19, alas 5:30 sa hapon nga gipangulohan sa kura paroko nga si Fr. Jess Samaniego.

Pagkahuman sa Santos nga Misa gipanghatag ang Certificate of Entrance to the Holy Door sa mga niapil sa gihimong panawduaw niadtong Agosto 29. Misunod dayon ang Eucharistic Procession gikan sa Shrine padulong sa parokya. Gi-prosesyon ang Lawas ni Kristo sulod sa Monstrance agi’g pagdayeg kaniya nga Hari nga Maloloy-on. Dayon misunod ang pagbihilya nga gihimo pag-abot sa maong procession diha sa Simbahan. Milungtad ang maong bihilya nga gisalmutan sa mga Pangulo sa Liturhiya sa buntag sa adlaw’ng Domingo, Nobyembre 20.

Kalabot sa aktibidad sa pagtak-op sa Tuig sa Kalooy mao ang pagpahigayon og Free Medical Clinic ug pagpanghatag og grocery packs sa indigent nga mga parokyano. (Naldz Villodres ug Hermie Mapute, SMPRP SoCCom | Kuha ni Norie Santillan)