San Pedro Calungsod Quasi Parish

Gitak-op ang Tuig sa Kalooy sa San Pedro Calungsod- Quasi Parish, Baguio, Davao City niadtong Nobyembre 19, 2016 sa usa ka Santos nga Misa nga gipangulohan ni Fr. Ricky T. Flores, DCD.

Ang mga nanambong sa misa mao ang mga lideres ug mga miyembro sa sakop niining 19 ka mga Gagmay’ng Kristohanong Katilingban (GKK).

Matud ni Fr. Ricky sa iyang homiliya nga maskin nahuman na ang Hubileyo sa Kalooy, mapadayunon unta ang tanan sa sa pagbuhat sa “Corporal Works of Mercy”, ilabina na sa kaigsoonan nga nanginahanglan ug hinikawan.

“Isip usa sa mga oportunidad na makakuka og indulhensiya pinaagi sa pagsaulog ug pagtambong sa Santos nga Misa, ang pagsaulog sa Tuig sa Kaluoy, usa ka maanindot nga gasa,” dugang niya.

Nag salo salo ang tanan isip usa ka pamilya human ang misa. (Lorelyn May A. Lahoylahoy | SPCQP SoCCom)