Parokya sa Tagakpan miduyog sa pagtak-op sa Tuig sa Kalooy

Sama sa ubang parokya, ang San Francisco de Asis Tagakpan nagsaulog sa usa ka pasalamat niadtong Nobyembre 20, Solemnidad sa Kristong Hari ug pagsara sa Tuig sa Kalooy kon Extraordinary Jubilee Year of Mercy.

Gisugdan ang maong selebrasyon sa usa prusisyon diin nahimong sentro ang imahe sa Kristong Hari. Kini gisalmutan sa parokyano. Dayon misunod ang selebrasyon sa Santos nga misa nga gipangulohan ni Fr. Jolito Marterior, OSJ, ang Associate Priest sa maong parokya ug ni Fr. Ronald Medrano, OSJ, bisitang pari. Gipunting sa homiliya ang pagka-manggihatagon sa isig-kaingon. Matud pa, “pina-agi sa paghatag sa mga materyal nga butang, mamahimo usab nga makita ang ispiritwal nga aspeto. Gi-awhag usab niya ang katawhan ilabi na katong adunay mga lawom nga balatian nga dili mawad-an sa pag-laum ug padayon lamang sa pagsalig sa Diyos kay pina-agi niini, mamahimong mabatunan ang kalooy ug grasya.

Ang Santos nga misa nahimong mas mabulukon pina-agi sa pagduyog ug mga awit sa mga postulants sa Oblates of St. Joseph. Usa natapos, gipahigayon ang healing session diin ang nanambong hilabi na ang masakiton, mga hamtong, nag-ampo.

Pagkahuman sa Santos nga Misa, ang mga masakiton ug ubang mg parokyano nangadto sa Marello Hall aron sa pagsalo-salo sa handa sa pagpasalamat sa mga grasya nga nadawat, atol sa kapistahan sa Kristong Hari. Nagmalampuson ang maong selebrasyon pina-agi sa panabang sa mga katawhan sa parokya, mga GKK Servant Leaders (GSLs), ug katawhan sa nagkadaiyang ministriya sa maong parokya pinangulohan sa Parish Pastoral Council (PPC). (Rizzel Mae C. Daya/SFDA SocCom)