Indigent families gipasidunggan sa VDLR parish

Gipasidunggan ang pipila ka indigent families pinaagi sa paghalad kanila ug mga presentasyon sa Virgen delos Remedios Parish niadtong Dominggo sa buntag. Dili matugkad ang kalipay sa mga nakadawat. Sila nagpasalamat sab sa groceries ug uban pang pahalipay nga gihatag kanila.

Kini human gisaulog ang santos nga misa sa parokya niadtong Domingo sa buntag, Nobyembre 20 atol sa pagsira sa Tuig sa Kalooy dungan usab sa pagsaulog sa kapistahan sa Kristong Hari.

Matuod pa ni Fr. Arnel Bajo, usa ka Piarist father, “dili igo nga kita nagpuyo nga maligdong ug wala nakapasakit sa atong isigkatawo kondili kinahanglan mopartisipar usab kita sa mga kalihokan sa simbahan isip disipulo ni Kristo.” Siya naghatag usab ug pamalandong kung giunsa nato pag-ila si Kristo isip hari sa atong kinabuhi.

Pagkahuman sa misa, gihimo ang prusisyon sa Kristong Hari. Dayon, ang sharing sa mga representante gikan sa 6 ka distrito. Matud pa nia, pinaagi sa dakong gugma ug kalooy sa Ginoo sa ilang kinabuhi, nakaya nila ang tanang pagsulay ug kalisdanan. (Lilibeth Sancover | VDLR SoCCom)