Unsa ang tumong sa Sagop Kinabuhi Program 2 kon SKP 2

Tumong sa SKP 2 ang pagtabang sa mga Voluntary Service Reformation nga mahibalik kanilla ang nawala nga pagsalig sa kaugalingon, respeto sa kaugalingon ug bili sa kaugalingon, ug mamahimo pag-usab nga produktibong sakop sa ilang pamilya ug katilingban.

Duyog niini, tumong usab sa SKP 2 ang:

1. Paghimo’g mabungahong pagpakiglambigit sa mga barangay ug parokya uban sa mga GKKs niini nga nahiluna sa giponting nga dapit diin ipahigayon ang programa;
2. Paghimo’g VSRs baseline data sa katuyoan alang sa profiling ug impact monitoring;
3. Pagdugang sa kapabilidad sa mga program partners/volunteers aron epektibo silang makatampo sa malampusong pag implementar sa programa
4. Pagtabang sa mga VSRs nga makaaangkon sa mga gikinahanglang kahibalo ug kahanas, maka apply og trabaho pinaagi sa mga referrals ug aron makatrabaho o ma self-employed
5. Pagdugang ug paglig-on sa ispiritwalidad sa mga VSRs pinaagi sa mga value formation seminars ug edukasyon
6. Pagtabang sa mga pamilya ug katilingban sa mga VSRs nga madawat sila balik ngadto sa ilang sabakan ubos sa diwa sa pagpakig-uli sa pagpakighiusa;
7. Pagtukod og follow-through/monitoring system aron maseguro nga ang mga kahanas, kahibalo ug mga material nga kahimanan nga madawat sa mga VSRs gikan sa programa ang magamit sumala sa katuyoan niini.

(Source: ASAC)