St. Jude Parish Children’s Rondalla Nagpahiduol sa Kabataan sa Simbahan

Ang atong Rondalya sa Parokya namugna sa pagmahal sa atong kura paroko sa musika, mga kabataan ug sa paglig-on sa atong pamilya dinhi sa St. Jude.

Si Fr. Pete Lamata nagdapit kang Maestro Mark Jumawan, iyang higala nga taga Matanao, Davao Del Sur.

Sa ilang dugay nga panaghigalaay, nakita ni Fr. Pete nga si Mark dako ang matabang sa pagmugna sa atong Rondalya dinhi sa parokya.

Human sa mga preliminaries ug pagdapit sa mga kabataan sa parokya, 23 ka mga bata ang nakahuman sa first batch sa Children’s Rondalla Training niadtong May 30, 2013. Ang second batch nga miagi og training nakahuman niadtong July 19, 2014, diin 58 ka mga bata ang nakalampos. Ang third batch nakahuman niadtong May 27, 2016, 76 ka mga bata ang nakahuman tungod kay nahuman na ang kasagaran sa ilang mga pagtuon; 89 na lang ang aktibo karon.

Dinhi giumol pag-ayo ni Maestro Mark Jumawan ang mga kabataan uban sa inspirasyon sa atong kura paroko nga si Fr. Pete Lamata.

Ang huni sa Rondalla nga gilangkoban sa banduria, octavina, lawod, gitara ug bajo de arko sa St. Jude Parish padayong mulingaw kanatong tanan. Kining serbisyo magdala sa mga bata aron malig-on ang ilang pamilya ug mapalalom ilang pagtoo sa Ginoo diha sa serbisyo sa Simbahan. (Ester C. Florece | SJP SoCCom)