SoCCom sa OLLP nagtuon sa Mariology

Nagtuon ug “Roman Catholic Mariology” ang GKK SoCCom sa Our Lady of Lourdes Parish sa Bangkal sa miaging bulan sa Setyembre.

Gipaila ila ni Nesty Fruto, lay coordinator sa Parish Pastoral Council sa Parokya si Maria isip anak nila Sta. Ana, gikan sa lahi ni Aaron ug San Joaquin, nga gikan pa sa lahi ni Haring David.

Gipasabot usab ni Fruto ang lima ka pagtulon-an sa Simbahan sa pagtuki sa gigikanan ni Maria uban sa iyang anak nga si Hesus sama sa “Motherhood of Mary” nga gihimo sa Council of Ephesus niadtong tuig 431 nga gipatawag ni Santo Papa Celestine I; “Perpetual Virginity of Mary” sa 3rd Council of Constantinople niadtong tuig 680 nga gipatawag ni Santo Papa Agatho; “Immaculate Conception of Virgin Mary,” sa Council of Lateran, tuig 649 didto sa Basilica of Saint John Lateran; ang pagpagpadayag sa “Our Mother of Perpetual Help” ni Pope Blessed Pius IX niadtong tuig 1854, sa Basilica of St. John Lateran, ug ang “Assumption into Heaven of Virgin Mary” nga gipatawag ni Santo Papa Pius XII niadtong 1950 sa Vatican City.

Ang naasoy’ng pormasyon usa lamang sa daghan pang mga giandam nga pagpasabot sa parokya sa ilang pag organisa sa social communications committee sa mga GKK.