Mga kalag, pamisahan

“Tudlo sa Simbahan nga mag-ampo, mao nang naa tay misa. Ang pag-adto sa sementeryo, remembering. Our mind, our focus is for our beloved dead, that our prayers will be heard by God” pamulong sa kura paroko sa San Antonio Parish, Agdao, Fr. Leonie “Toto” España.

Sa dihang gipangutana siya kung unsa man ang pinakamahinungdanong mahimo sa mga Katoliko panahon sa All Saints ug All Saints Day, Nobyembre 1 hangtud 2, iyang gisaysay nga kining mga adlawa, igahin sa panalangin. “Even sa misa kabahin sila as a whole church, suffering church. Atong ginaampo ang mga kalag sa purgatory kay sa Bibliya naay giingon didto na you will not be released until you have paid the last penny. Ang atong mga prayer, matud pa, “makatabang aron ma-ease tong unsa pay nakahold pa sa ilahan nganong naa sila didto, makaliberate. ”

Dili man tuod holiday ang duha ka adlaw karong tuiga, apan naghinaut ang pari nga mahatagan gayud ug panahon ang pag-ampo alang sa mga minatay.

Mamahimo sab bisitahon ang puntod sa minatay. Sa kahilom, daku ang mahimo sa pag-ampo.

Kinabuhi sa pag-ampo

Isip bag-ong natudlo nga exorcist sa Arkidayosis sa Dabaw, mas milawom pa ang kinabuhi sa pag-ampo ni Fr. España sukad siya nagsugod na sa ministriya. “Last August, gipatawag sa CBCP through the Office of Exorcism of the Archdiocese of Manila kaming mga representante. Kami ni Fr. Jorge S. Angga gikan sa Dabaw.”

Fasting ug mas hataas nga oras sa pag-ampo maoy sikreto sa pagpahawa ug demonyo sa mga nasudlan ug dautang ispiritu. Tambag sa mga magtotoo, imbes nga mag-Halloween party, magpamisa nalang sa mga minatay. (@dcherald)