Jubilee for GKK gisaulog sa Tagum

Pagpalig-on isip pangulo sa GKK.

Mao kini ang usa lamang ka katuyuang nakab-ot sa pagsaulog sa ika-50 ka anyos sa GKK kon “Jubilee for GKK” sa Tagum nga gipahigayon ning bulan sa Oktobre.

Kini gitambongan sa nagkalain-laing parokyano ug mga pari sa Diyosesis sa Tagum. Gisugdan kini ug “Taize Prayer”, dayon ang worship ug Bible Enthronement nga gipangulohan sa mga kabatan-onan ug mga kaabag. Misunod dayon ang pagpaambit ni Bishop George B. Rimando. Siya ang auxiliary bishop of Davao nga gikan usab sa Tagum.

Matud pa ni Bp. Rimando, ang GKK usa ka maampoon, maalagaron ug masangyawon nga katilingban. “Ang pagkabinunyagan sa usa ka tao nagpamatuod nga sakop sa Simbahan labi na sa GKK.”

Gisaulog sab ang misa gipangulohan ni Bishop Wilfredo Manlapaz uban ang mga pari sa Diyosesis sa Tagum.

Matod pa ni Fr. Noel Gastones, ang Diocesan Pastoral Director sa Tagum, dako ang iyang kalipay tungod tukma sa panahon ang selebrasyon. “Kini usa ka stepping stone aron madasig sa pagbalik ang Gagmay’ng Kristohanong Katilingban.”

Dugang niya, “ang mga partisipante nalipay ug daghan gayud sila ug natun-an kay isip mga nangalagad sa ilang GKK nakapadasig gayod kini pag-ayo kanila aron sa pag agni sa uban aron mamahimong aktibo ug kabahin sa nagkadaiyang GKK.”

Ang aktibidad giorganisa human maaprobahan sa Obispo sa Tagum ang sugyot sa mga chairpersons sa matag parokya. (Earna Cadungog | Efren Masing – La Paloma Mensajera)