Holy Family SoCCom nag team-building

Usa ka team building activity ang gipahigayon sa Social Communications Committee sa Holy Family Parish niadtong Setyembre 24, sa Rosalina 3, Phase 3 (Makar) Gym sa Barangay Baliok. Ang aktibitad gilangkuban sa sa 44 ka mga secretaries sa nagkalahi- lahing GKK sa parokya.

Giablihan ang maong panagtapok sa usa ka hamubo nga para liturgy nga haum alang sa mga GKK Servant Leaders. Gisundan kini sa mga makalingaw nga cheering presentations gikan sa Team Maria, Team Jose, Team Hesus ug Team Parokya. Pinaagi sa mga hagit ug dula, ang matag team napalig-on pa gayod.

Sa malampusong team building, maingon nga nakab-ot ang usa ka tumong sa grupo nga mailhan ang usag- usa ug mapalawum ang relasyon sa mga miyembro sa Social Communications Committee (SoCCom) sa parokya. Ang maong aktibidad usab, nag-abli sa usa ka oportunidad sa mga nitambong kung unsa ang angay ug dili angay buhaton isip miyembro sa usa ka team.

Ang maong team building activity gitapos pinaagi sa usa ka “boodle fight” nga giandam sa pipila ka miyembro sa PSA, nga gipanguluhan nila Rolyn Castillo ug Ging- Ging Bajala. Busa, dako kayo ang pasalamat sa organizer, tungod sa presensya sa mga nitambong, sa mga nisuporta, ug sa kura paroko nga si Fr. Ricky Penalosa. Nagpasalamat usab ang maong grupo labi na sa tanang dili magpaila nga nihatag sa ilang donasyon aron mahimong malumpuson ang tanan. (Fe Deloria | HFP SoCCom)