Virgen Dolorosa Parish magsaulog sa ika-55 ka tuig nga kapistahan

Saulogon sa dakong kalipay ug pasalamat sa Parokya sa Virgen Dolorosa sa Babak, IGaCoS ang ilang ika-55 ka tuig nga kapistahan karong Setyembre 15, 2016 uban sa tema nga Birhen Maria: Inahan sa Kalooy Sumbanan sa Kristohanong Pamilya.

Nagkalain-laing mga programa ang nakalatid alang sa maong selebrasyon. Ang novena masses magsugod karong Setyembre 6 hangtud Seteyembre 14 sa may alas singko sa hapon nga pagapangunahan sa mga nagkalaing-laing ministriya sa parokya, socio-civic organizations, village associations ug mga ahensya sa gobyerno.

Gibalik usab karong tuiga ang matag gabii nga socio-civic presentations nga pagasalmutan sa nagkalainlaing socio-civic organization sa Babak. Aduna usab pagahimoon nga liga sa basketbol nga gipasigdahan sa local nga panggamhanan sa syudad. Human sa ikatulong misa, nay pagahimoon nga parlor games ug dula sa basketbol sa mga bisitang kaparian sa Arkdayoses saDavao.

Ang mga nagkalain-laing eskwelahan sa Babak mo pasundayag usab sa ilang field demonstration ug drum and bugle corps isip ilang paagi sa pakiglambigit sa kapistahan.

Si Arsobispo Romulo Valles, D.D ang ilauman nga mag selibrar sa pagahimoong misa sa alas 8:00 sa buntag. Ang kumpirma pagahimoon sa Setyembre 4 ug ang bunyag atol sa kapistahan sa may alas 10 sa buntag.

Malaumon si Rev. Fr. Mervin George Maglana, DCD ang kura paroko uban sa iyang Parochial Vicar nga si Rev. Fr. Rodrigo Salac , SVD ug pinaagi sa pagtambayayong sa Parish Coordinating Council nga magmalampuson ug malinawon ang kasaulogon sa kapistahan inubanan sa kanunayng pangama ni Birhen Dolorosa. (Rommel Jandayan | VDP SocCom)