San Roque Food Bank

Gitukod niadtong Marso 20,2016 tumong niini nga matabangan ang mga kabus sa matag GKK nga sakop sa parokya. Matud pa sa PSA Coordinator Maricris Deguinion si Fr. Jemasol Ortiz ang pinakadako nga haligi aron nasugdan ang Food Bank for the Poor. Tungod sa iyang pagpaningkamot sa pagsolicit ug mga bugas, canned goods, noodles, ug uban pa, nasugdan kini. Usa sa matag GKK kada semana ang makapalit ug bugas,tinapa,noodles ug uban pa sa kantidad nga tunga lang sa actual price. Ginawhag niya ang parokyano nga maghalad ug grocery items panahon sa Misa niya sa GKK ug sa Parokya.

Si Edgar Perales, PSA sa Inahan Sa Kanunay’ng Panabang nga GKK nag-volunteer ug bantay sa Food Bank uban ni PSA Teresa Gallenero. Matud niya, “dako akong pasalamat kay Fr. Ortiz sa pagsuporta sa maong programa, ug sa mga tawong manggihatagon nga kanunay naga-donate alang sa Food Bank, ug sa kaubanan nakong mga PSA nga migahin ug panahon sa pagpamaligya, staff sa simbahan, hilabi na ang Ginoo. (Imelda Overiz)