Panawduaw Tubag sa Parokyano sa St. Mary sa Tuig sa Kalooy

Positibo ang tubag sa mga parokyano sa St. Mary of the Perpetual Rosary Parish, Buhangin, Davao City sa gihimo nga Panawduaw ngadto sa Balaang Pultahan sa San Pedro Cathedral kay niadtong Biyernes, Agosto 26 kapin unom ka gatos ang mitugyan sa ilang kaugalingon alang sa Sakramento sa Pagkumpisal agi og pagpangandam sa pagsulod sa Balaang Pultahan.

Nagkatigom ang mga miapil sa panawduaw didto sa Rizal Park alas singko sa buntag, Agosto 29, Lunes alang sa hamubo nga para-liturgical celebration, una pa man mosulod sa Balaang Pultahan. Kining hamubo nga pag-ampo gipangulohan sa Parish PSL Coordinator nga si Bro. Jun Nardo.

Ang panawduaw gisugdan sa pagprosesyon gikan Rizal Park padulong sa Balaang Pultahan. Didto gihimo ang rito nga gipangulohan mismo sa Kura Paroko nga si Fr. Jess Samaniego. Misunod dayon ang Santos nga Misa. Gikalipay sa tanan ang nasinating kaluoy sa Ginoo. (Naldz Villodres, SMPRP SoCCom | Photos: Chen Angco)