REMASE immersion, nagpadayon sa St. Jude

Padayon nga nagahatag ug panahon ang mga seminarians gikan sa Regional Major Seminary (REMASE) alang sa ilang “exposure” sa pakig-uban sa mga GKKs sa St. Jude Parish kada adlaw’ng Domingo sugod Hunyo niining tuiga hangtud Pebrero 2017.

Adunay 25 ka mga GKKs ang parokya ug ang naunang walo ka GKKs nga nabisitahan na mao ang San Rafael GKK, Sta. Cruz GKK, San Pedro GKK, ICC Spext GKK, Fatima, Malvar GKK, San Antonio de Padua GKK, San Roque, ug Madapo GKK, San Isidro Labrado GKK. Layon sa immersion nga masinati sa mga seminarian ang kinabuhi ug kahimtang diha sa mga GKK.

Matud pa ni Sem. Sorin Abellanosa, kinahanglan adunay kahiusahan ug pagsinabtanay sa mga lideres aron maoy mahimong sumbanan sa mga miyembro aron sila mulambo ug mutubo sa pagpangalagad. Nanghinaut ang mga servant leaders nga pinaagi sa mga seminarians madasig ang mga lideres ug mga miyembro sa ilang boluntaryong pagpanerbisyo sa matag GKK. (Ester Florece | SJP SoCCom)