Kasingkasing ni Hesus, kasingkasing nato

Nagpasalamat si Abp. Valles una sa kura paroko sa The Most Sacred Heart Parish tungod sa pag-imbita kaniya sa mga GKK diha sa Calinan nga nagsaulog sa ilang ika-50, 60 o 75 ka tuig. Dayon gitimbaya niya ang mga parokyano sa pagtambong sa ika-66 nga fiesta mass sa parokya.

Una pa man nagsugod ang selebrasyon sa misa, gibendisyuhan ni Yanong Muloy ang mga bag-ong “features” sa balay-alampuanan sama sa stained glass nga adunay designs – Way of the Cross ug Mysteries of the Holy Rosary.

Gipasabot niya nga makadugang ug kalipay kung ang balay-alampuanan ginanindot. “Ang mas nindot nga simbahan,” matud pa, “makaproud ug munindot pa ang tan-aw sa mga parokyano sa kaugalingon.”

“Ma-proud kita, mag assemble kita aron maghalad sa Diyos,” matud pa niya.

Iya usab gipasabot sa mga nanambong nga kining mga imahe o estatwa representante lamang sa Ginoo. “Apan hinuon natabangan kita nga ang maong images matabangan atong mind and heart, ang atong spirit, ang atong pagkakita, maka connect kita, matandog ang atong kasingkasing, atong kalag, panghuna huna, kinahiladman…unsa man ang atong pagtoo sa Ginoo? What is our Catholic faith? Faith is a gift. Pagsalig nga sa pagpadala sa Ginoo kanato, isalig nato ang tibuok natong kinabuhi.”

Nanghinaut ang Arobispo nga ang pag-ampo sa kapistahan, mutuhop unta sa matag usa nag nagkanayon, “O Ginoo, nalipay kami tungod sa mga gasa sa gugma nga among nadawat, gikan sa kasingkasing ni Hesus. Abliha ang among kasingkasing.”

“Ang matag usa karon nagtinguha ta nga ma abli usab ang atong kasingkasing. Adunay duha ka kasingkasing. Ang kasingkasing ni Hesus ug ang atong kasingkasing, aron makaambit kita sa iyang kinabuhi, ang tinguha sa atong kasingkasing pareha na sa Ginoo, mao na na, mao nay tinuod nga VIVA, “ang kalipay sa pista!