Holy Door sudlon sa Buhangin SocCom

Malampuson ang pormasyon sa tanang miyembro sa GKK SoCCom nga sakop sa Parokya sa St. Mary of the Perpetual Rosary Parish, Buhangin, pinaagi sa pagpaambit ning inyong tigsuwat kabahin sa talagsaong “Tuig sa Kalooy” hilabi na ang pagpasabot kon unsa kining Balaang Pultahan (Porta Samta). Malipayong nag-inambitay ang 51 ka ming apil sa maong tigum kabahin sa giplanohan nga panawduaw karong umaabut nga Agosto 29, 2016 didto sa San Pedro Cathedral.

Mahinamon ang tanan nga maangkon ang oportunidad sa pagsinati sa grasya sa Ginoo. Gihingpit ang plano sa paghimo’g pangkinatibuk-an nga pagpangumpisal sa Agosto 26 niadtong buot moapil sa maong Panawduaw ug sa pagtabok sa “Balaang Pultahan sa Kalooy” (Holy Door of Mercy). Ang Kura Paroko nga si Fr. Jess Samaniego nagasuporta niini diha sa pag-imbitar og dugang kaparian nga mohimo sa Sakramento sa Pagkumpisal. (Naldz Villdres, SoCCom SMPRP)