Autograph

“I respond to God’s call by leaving the exigency of my life as a consecrated person. To those who are called to married life, their response to God’s call is by being faithful to their commitment, and good work even to a single blessed Christian.” Mao kini ang gibutyag ni Sr. Cresencia Cabahug, PM nga nagsaysay sa bokasyon isip usa ka tawag gikan sa Ginoo nga maoy nagpasiugda ug nagdasig sa matag usa.

Ang bokasyon dili lang alang niadtong anaa sa relihiyoso nga kinabuhi, apan niadto usab sa mga misulod sa kaminyoon ingon man sa “single blessedness” nga estado sa tawo. Matud pa ni Sr. Cres una pa man siya misulod sa kongregasyon, ang Catechism classes sa iyang Sunday school maoy migiya kaniya, hinungdan nga nadani kini sa puting bisti sa madre ug diha nakadesisyon kini nga magmadre. Gisaysay usab niya nga sa dihang nasa elementarya pa kini, matag tubag niya sa “autograph,” dili gayud niya ginakalimtan nga magbutang sa iyang ambisyon – “to become a nun someday.”

Kabahin sa istorya sa iyang bokasyon ang mahimong aktibo sa simbahan ug kanunay nga mutambong sa misa. Siya miyembro usab ug “choir” sa ilang parokya. Matud niya usa sa iyang magtutudlo misulod sa kongregasyon nga Presentation of Mary (PM) ug maoy nahimong tulay sa iyang pagsulod sa PM. Gisaysay niya nga ang kinabuhi sa founder sa kongregasyon nga si Blessed Marie Rivier diin gipakatawo nga adunay problema sa panglawas. Ang doktor mismo miingon nga kini dili na makabarog, apan wala siya nawad-an ug paglaum. Nagpadayon kini ug pag-ampo kauban iyang inahan nga nagadala niya kanunay sa simbahan. Dakung tabang kaniya ang Mahal nga Birhen sa dakung milagro sa dihang nakalakaw na kini. (Aldren Mantawel | HCDC Intern)