SFDA-Tagakpan General Assembly gipahigayon

Ang bag-ong kura paroko sa San Francisco de Asis Parish nga si Fr. Peter Fancubila, OSJ nagpatawag ug General Assembly niadtong niaging Dominggo.

Ang maong asembleya gitambungan sa mga ministriya sa simbahan – PSA, PSL, PSK, Lectors and Commentators, Katekista, Caballeros de San Jose, Koro Marello, ug ang mga kabatan-onan (PSB).

Atol sa gipahigayon nga meeting, gihisgutan ni Father Peter ang mga responsibilidad ug katungdanan sa matag miyembro sa ministriya sa parokya. Iya usab gihatagan ug bili ang pagkamaalampoon ug pagsalig sa Ginoo kay mao man kini ang pinakadako nga responsibilidad, dili lamang isip miyembro sa parokya, apan isip usa ka sumusunod ni Kristo.

Kahinumduman nga si Fr. Peter ang kanhing ikaduha nga kura paroko, ug karong tuiga, siya na mismo ang nagdumala sa parokya. (Jeffren Miguel | SFDA SoCCom)