Japanese Encephalitis Virus nia na sa dakbayan

Gikompirma ni City Health Officer Dr. josephine Villafuerte nga ang Japanese Encephalitis Virus (JEV) nia na sa dakbayan ug aduna na’y natala nga usa ka kaso partikular na sa Bacaca area.

Ang JEV usa ka mosquito-borne virus. Ang maong virus susama sab sa klase sa lamok nga nagadala ug Dengue ug Malaria, apan ang epekto niini, ang mapaakan mura og ma-stroke ug makasinati ug sintomas sama sa Alzheimer’s Disease. Ang maong virus mamahimong hinungdan sab sa dugay nga pagrecover sa biktima, o sa hinanaling kamatayon niini. Busa giawhag ni Dr. villafuerte ang katawhan nga magpadayon sa gitawag nga “4:00 PM Habit” aron malikayan ang pagsaka sa ihap sa mga kaso sa nangamatay ug uban pang komplikasyon nga dala niining virus. (Arielle Rianne Arañez)