Carmelite Missionary Seculars (CMS) nagtigom sa Nat’l Assembly

Carmelite Missionary Seculars (CMS) nagtigom sa Nat’l Assembly
Di palang dugay nga nagtigom ang Carmelite Missionaries Secular (CMS) alang sa ilang 13th national assembly 2016. Ang tinuig nga asembleya nagtumong nga mapalawom pa ang pagsabot ug kasinatian sa mga sakop sa CMS sa kinabuhi sa Pundador sa mga Carmelite Missionary Sisters nga si Blessed Francisco Palau. Ang kinabuhi ni Palau ang naka-sentro diha sa pag- ampo ug sa pagmahal sa Simbahan, nga mao’y buot sa ipakabuhi sa mga sakop sa CMS. Sa pulong usab, gihimo ang pag-inambitay sa mga kasinatian sa nagkalain-laing chapters gikan sa nagkalain laing bahin sa kapupud-an.  Kalakip na sa mga chapters nga mitambong sa assembly mao ang Manila, Caliraya sa Quezon City, Iloilo, Cebu, Bacolod, Caburan, Cagayan, Davao del Sur, ug Mati. Nanguna sa mga Mati delegates sila Ms. Gina Limpot ug Leonila Duallo.  Natigayon ang tulo ka adlaw nga CMS Nat’l Assembly sa Betania Retreat Center, N. Dominggo St., Cubao Quezon City.

Bottoms Up Budgeting (BUB) gipatunhay sa mga programa sa Davao Oriental
Malaumon karon ang mga municipal local gov’t officers sa probinsiya sa Davao Or. nga mapatunhay pa nila ang ilang pagtamod sa mga programa ubos sa Bottoms up Budgeting (BUB). Kini human sa natigayong pulong nga gipasiugdahan sa DILG Dvo Or Prov’l Office alang sa ilang mga municipal local gov’t officers. Nasayran nga kadaghanan sa mga proyekto nga ubos sa BUB mao ang mga infrastructure projects. Apan aduna usa’y mga proyekto nga malakip pa gihapon sa BUB, sama sa mga proyekto sa patubig. Na-una ng gipahayag ni Prov’l Director Yvette-Tolentino-Sunga nga dakung tabang ang BUB aron katabangan pa ang pagpalambo sa mga kalungsuran. Pipila ka mga LGUs ang nakapahimulos na usab sa BUB nga mga proyekto, kalakip na niini ang siyudad sa Mati.