Tabang alang sa Caritas-Agdao

Ang CARITAS sa San Antonio de Padua (CARITAS-AGDAO) natukod kapin 30 ka tuig na ang milabay alang sa mga labing nanginahanglan nga mga pamilya niining parokya.

Sa pagkakaron, kini adunay 60 ka miyembro. Sila naila ug napili pinaagi sa rekomendasyon sa mga GSL ug human miagi sa ebalwasyon (pagbisita sa panimalay/pamilya ug interview) ni Parish CARITAS Coordinator Mrs. Flora Dairo. Sila mamahimong mopalit sa tindahan sa CARITAS alang sa ilang mga sinemana nga konsumo sa matag Lunes, Miyerkoles, ug Biyernes sa alas 2:00-3:00 sa hapon.

Ang CARITAS-AGDAO naningkamot nga kini makapadayon sa paghatod og serbisyo sa katawhan sa parokya. Nanghinaut si Mrs. Dairo kauban ang ilang mga volunteers nga daghan pang mga indigent families ang makadawat sa benepisyo sa maong programa. Busa, sila nanawagan sa tabang aron ang CARITAS-AGDAO magpabiling “kasingkasing” sa parokya sa San Antonio de Padua.

Alang sa mga hinabang sa CARITAS-AGDAO, palihog pakigkita kay Mrs. Flora Dairo, matag Lunes, Miyerkoles ug Biyernes, sa alas 2:00-3:00 sa hapon.